Ардчилал гэдэг нь эртний грекээр "ард түмний засаглал" гэсэн утгатай үг бөгөөд төрийн болон олон улсын байгууллага, нийгмийн туслалцаатайгаар дэлхийн өнцөг бүрт буй хүнд хүрч очих процесс ажээ. Тиймээс өнөөгийн манай улсын төдийгүй дэлхий нийтийн хөгжлийн гол хандлага болсон ардчиллын үүсэл хөгжлийн 4000 жилийн түүхийн тухай нэгэн флаш видеог дахин оруулж байна. Тийм ээ ардчилал, эрх чөлөө бол бидэнд их зүйл өгсөн. 1990 онд ардчилалд шилжсэн манай улсын хувьд ч гэсэн энэхүү 20 жилийн хугацаанд их зүйлийг авсан, бас одоо авсаар ч байгаа, ирээдүйд бол авсаар л байх болно.

Гэхдээ ардчилсанд шилжсэн бүх орон ардчиллыг жинхэнэ утгаар нь хөгжүүлж байна уу гэвэл бас үгүй. Өнөө үед дэлхийн бараг бүх улс өөрсдийгөө ардчилалтай гэх боловч өдөр тутмын мэдээ, мэдээллээс аль нэг оронд шударга бус сонгууль, иргэдийн эрх зөрчигдсөн тухай нэлээдгүй сонсогддог л юм. Тэгэхээр ардчилал гэдэг нь өөрөө их урт хугацааны турш бүрэлддэг үйл явц юм шиг ээ.